Que fago se noto un bulto na vaxina? & Novas de recheo nos xornais?

by Martina Carracedo

Esta pregunta leron os meus ollos nun xornal dixital dos que poderían entrar na categoría de serios ou non sensacionalistas cando menos, logo a pregunta sorprendeume, e non só iso, así de socate, varias respostas abrocharon, tal choiva de ideas, iso que os ingleses definen nunha soa palabra “brainstorm”:

  • Arrancalo cunha culler
  • Lanzarte pola fiestra
  • Arrancar os pelos da cabeza
  • Coller unha caixa de panos e verter bágoas até morrer afogada
  • Chamar as persoas máis queridas para despedirme delas
  • Facer unha festa, festa non, mellor unha orxia ou unha bacanal, ou….

Non sei… un lote de cousas viñeron á miña cabeza en poucos segundos, se cadra  tampouco era mala idea pedir cita para unha consulta médica, ou aínda  achegarte polas urxencias do hospital. É un dicir.

Recuperada deste momento de: en serio, estou lendo esto? de que van? Son parvos ou fanse?

Por que a maiores a foto que estaba enriba desta pregunta amosaba unha muller sentada enriba dun sofá apalpando coas mans a barriga (non lembro se era do lado dereito onde se supón que está o fígado, ou do esquerdo que non sei eu que habera por aí no lado sinestro, ese lado escuro da forza).

Pór unha foto dunha muller escarranchada non lles pareceu apropiado, imaxino, e aínda así non ía ser doado que viramos ese bulto, porque como xa dixemos aquí un día a vaxina é un conducto fibromuscular elástico que se extende dende a vulva ata o cuello uterino ou cérvix, vamos que confundiron vaxina con vulva, non lles poño culpa a min tamén me ten pasado malia a ter unha na entreperna. Xa se sabe, arrastramos, neste país, moitos anos de atraso no que a educación sexual se refiere.

Emporiso, xa non me parece unha nova tan desafortunada (non puden afondar no tema porque a noticia, supoño que dada a súa importancia vital, estaba capada, quero dicir que só tiñan acceso os suscritos ó xornal), case que ata me gusta, deume para un anaco de entretenemento porque xa estou farta, supoño que como vosoutras, de guerra, de chiringuitos, de abusos, até de pegasos. Mira que é fermosa a imaxe deste cabalo alado fillo de Medusa e Poseidón, pois han conseguir que o aborrezamos.

Martina Carracedo.

Imaxe de: www.pinterest.com